Imposta premo aŭ fiska premo estas termino ekonomika por aludi al la procentaĵo de la enspezo kiun la privatuloj devas trapasi al la ŝtato kiel imposto. Tiele la Imposta premo de unu lando estas la procentaĵo de la MEP elprenita de la ŝtato kiel impostado. La Imposta premo mezuriĝas laŭ la fakta pago de impostoj kaj ne laŭ la noma kvanto kiu aperas en la leĝaro, tiele ke ju pli granda imposta fraŭdo des pli malgranda premo, kvankam formale la impostaj indicoj povas esti altaj. Fakte ĉe landoj kun alta fraŭda indico, la ŝtato kutime plialtigas la impostan premon al la loĝantoj kun malpli ebloj fraŭdi, tio estas kutime la konsumantoj.
Ĝenerale direblas, ke ĉe la disvolvigitaj ekonomioj, la totala imposta premo estas super 30% kaj ĝis 50% ĉe landoj kiaj Svedujo.[1]